Lês de Finstertekst troch en beäntwurdzje de folgjende fragen:
- Yn de earste sin fan de tekst stiet dat der noch gjin ynternet wie. Notearje puntsgewiis wat it foar dy persoanlik betsjutte soe ast gjin tagong ha soest ta ynternet.
- Yn alinea 1 wurde twa organisaasjes foar telefoanpoëzy neamd.
a. Hokker twa binne dat?
b. Wannear begûnen dy beide?
c. Wat kinst opfallend neame asty beide tiidstippen en de plakken fan ferskining ferlikest? - Yn alinea 2 giet it ûnder oare om de winsken fan jonge Fryske dichters yn 1967. Wat woenen dy oars hawwe en/of oars dwaan? Notearje trije winsken en/of aksjes dy’t dat dúdlik makken. Helje dyn ynformaasje út de alinea’s 1, 2 en 3.
- Yn alinea 4 wurdt de start fan Operaesje Fers op 16 febrewaris 1968 beskreaun. Tink dy ris yn dat de inisjatyfnimmers beskikke koenen oer de kommunikaasje- middelen fan no. Skriuw trije sabeare twitterberjochten dy’t achterienfolgjende gebeurtenissen yn dy startperioade de wrâld ynslingere wurden kinnen hienen. Sy geane oer begjin, súkses en ein derfan.
- Wêrtroch kaam der yn 1994 in ein oan Operaasje Fers? Brûk de lêste alinea fan it finster om it antwurd út ôf te lieden.